ගාල්ල අධ්‍යාපන කලාපයේ මානසික රෝගී ගුරුවරුන් පහලොස් දෙනෙකු සේවයේ යෙ දී සිටිනවා

ගාල්ල අධ්‍යාපන කලාපයේ මානසික රෝගී ගුරුවරුන් පහලොස් දෙනෙකු සේවයේ යෙ දී සිටිනවා යැයි ගාල්ල අධ්‍යාපන අධ්‍යක්ෂක සුසිල් පේ‍්‍රමනාත් මහතා පවසයි. ඒ මහතා එසේ පැවසුවේ පසුගිය 11 වනදා පැවති ගාල්ල දිස්ත‍්‍රික් සම්බන්ධීකරණ රැුස්වීමට සහභාගී වෙමිනි, මෙම රැුස්වීම දිස්ත‍්‍රික් සම්බන්ධීකරණ කමිටුවේ සම සභාපතිවරුන් වන දකුණු පළාත් ප‍්‍රධාන අමත්‍ය ශාන් විජයලාල් ද සිල්වා සහ සුඵ අපනයන බෝග නියෝජ්‍ය අමාත්‍ය නිශාන්ත මුතුහෙට්ටිගම මහතාගේ ප‍්‍රධානත්වයෙන් ගාල්ල දිස්ත‍්‍රික් ලේකම් කාර්යාලයේ දී පැවැත්විණි.

එහි දී නියෝජ්‍ය කතානායක චන්දිම වීරක්කොඩි මහතා හබරාදුවේ පාසලක සිටින ගුරුවරයෙකු සිසුන්ට නොහොඹිනා අයුරින් කතා කරන බවත් ඔහුට තමා දන්නා පරිදි යම් මානසික රෝගී තත්වයත් තිබෙනවා යනුවෙන් පැවසු අතර ඒ සදහා විසදුමක් ලබා දෙන ලෙස ද ඉල්ලා සිටින ලදී.

එහි දී අදහස් දක්වමින් ගාල්ල අධ්‍යාපන අධ්‍යක්ෂක සුසිල් පේ‍්‍රමනාත් මහතා කියා සිටියේ එවැනි මානසික රෝගී ගුරුවරුන් තම කලාපය තුල තවත් පහලොවක් පමණ සිටිනා බවත් අදාල පාසල සදහා වෙනත් ගුරුවරයෙකු අනියුක්ත කරන බවත්ය.

මෙහි දී සම සභාපති දකුණු පළාත් ප‍්‍රධාන අමාත්‍ය ෂාන් විජේලාල් ද සිල්වා මහතා කියා සිටියේ එවැනි ගුරුවරුන් ස්ථාන මාරු කිරීම පමණක් එම ප‍්‍රශ්නයට විසදුමක් නොවන බවත් ඔවුන් වෛද්‍ය පරීක්ෂනයකට භාජනය කර නිසි පියවර ගත යුතු බවයි.

@ලංකින්ද  නානායක්කාර