Thursday, 20 November 2014

ජනපතිවරණය ප්‍රකාශයට පත්වීමත් සමඟින් ඉමදුව නගරය රතින්ඥා හඩින් ගිඟිම් දෙයි.

@ ලංකින්ද නානායක්කාර

ජනාධිපතිවරණය ප්‍රකාශයට පත් වීමත් සමඟින් දිවයින පුරා ජනතාව රතින්ඥා දල්වමින් ප්‍රීති ඝෝෂා පවත්වන ලදී.
මීට සමඟාමීව ඉමදුව නගරයේ ද ඉමදුව ප්‍රා දේශීය සභාවේ උප සභාපතිවරයාගේ මුලිකත්වයෙන් සහ ප්‍ර දේශවාසීන්ගේ සහභාගීත්වයෙන් රතින්ඥා දල්වමින් ප්‍රීති ඝෝෂා පැවැත් වුහ.
මෙහි දී රැස්ව සිටි ජනතාව පවසා සිටියේ කවුරු කෙසේ මොන අපේක්ෂකයා ජනපති සටනට පැමිණිය ද රට බේරා ගත් අපේ නායකයා නැවත ජනාධිපතිවරයා බවට පත් කර මේ රටට කෙනෙහිලි කම් කරන ජාත්‍යන්තර ප්‍රජාවට තවමත් මේ රටේ ජනතාව ජනාධිපතිවරයා සමඟින් සිටින බව ඔප්පු කර පෙන්වන බවයි.





Tuesday, 28 October 2014

ඉමදුව ප්‍රාදේශීය සභාව යුරෝපා කොටි තහනමට එරෙහි වෙයි.

යුරෝපා සංගමය මඟින් අධිකරණ තීන්දුවක් ලෙස කොටි තහනම ඉවත් කිරීමට විරුද්දව යෝජනාවක් 28 දින පැවති ඉමදුව ප්‍රාදේශීය සභාව මඟින් සම්මත කරන ලදී.
මෙම යෝජනාව සභාවට ඉදිරිපත් කරමින් අදහස් දැක් වු ඉමදුව ප්‍රා දේශීය සභාවේ උප සභාපති උදාන කුසුම්සිරි මහතා මෙසේ පැවසීය,
අද රට තුල ව්‍යාකූල තත්වයක් ඇති කිරීම අරමුණු කරගෙන සිදු කරණ ලද ක්‍රියාදාමයක් මෙය. පක්ෂ විපක්ෂ භේදයකින් තොරව අපි මේ සම්බන්ධයෙන් විරුද්ධත්වය ප්‍රකාශ කල යුතුයි. එසේ ප්‍රකාශ කර සභාව ලෙස අපේ විරුද්ධත්වය මේ සදහා පල කල යුතුයි. එසේම ලංකාවේ සියළු පළාත් පාලන ආයතන වලට ද මේ සදහා එකතු වන ලෙස මම ආරාධනා කරනවා.
එසේ සිදු කර මේ සදහා විශාල ජන මතයක් සාදා රටක් ලෙස අපි මෙයට මුහුණ දිය යුතුයි. පසුගිය කාලවල අප ජීවත් වු අයුරු කාට හෝ අමතක නම් මේ වන විට ත්‍රස්තවාදය ක්‍රියාත්මක වන රටවල තත්වය ගැන සොයා බලන ලෙස ද ඒ මහතා මෙහි දී පැවසීය.
මෙම යෝජනාව ඉමදුව ප්‍රා දේශීය සභා මන්ත්‍රී රත්නසිරි කොරලගේ මහතා විසින් ස්ථිර කරන ලද අතර ආණ්ඩුපක්ෂ මන්ත්‍රීවරුන් පස් දෙනා මෙයට පක්ෂව ඡන්දය ප්‍රකාශ කරන ලදී.
විපක්ෂ නායක සහ එජප මන්ත්‍රී තිලක් අමරදිවාරකර මහතා මෙම යෝජනාවට විපක්ෂව කටයුතු කරනමින් මෙසේ පැවසීය,
ශ්‍රී ලංකා රජය ලෙස මෙයට මැදිහත් වු ආකාරය ගැන අපේ විරුද්ධත්වයක් තියෙනවා.
කෙසේ නමුත් මේ සම්බන්ධයෙන් අදහස් දැක් වු උප සභාපති උදාන කුසුම්සිරි මහතා ප්‍රකාශ කර සිටියේ එජාපය කිසිම අවස්ථාවක රටේ පැත්තේ සිටි පක්ෂයක් නොවන නිසා මෙම තීරණය ගැන ද අමුතුවෙන් පුදුමයට පත්විය යුතු නැති බවත් මේ කොටි තහනම ඉවත් කිරීම පසුපස එජාපය සිටිනවා යන්නට මෙය හොද උදාහරණයක් බව ද ඒ මහතා වැඩි දුරටත් පැවසීය.

Monday, 20 October 2014

දිවි නැඟුම හයවන අදියර රටපුරා ඇරඹේ

@ ලංකින්ද නානායක්කාර
දිවි නැඟුම හයවන අදියර 20 දින දිවයින පුරා ග්‍රාමසේවා වසම් 14022 ක දී ආරම්භ කරන ලදී.
ඉසුරුමත් නිවහනක් - අසිරිමත් මව්බිමක් යන්න තේමාව කර ගනිමින් පවුල් ඒකක තුල ආර්ථිකය සහ පොෂණය වැඩි දියුණු කිරීමේ අපේක්ෂාවෙන් රය පුරා ආරම්භ වු මෙම වැඩ සටහට සමගාමීවඉමදුව ප්‍රා දේශීය ලේකම් කාර්යාල විසින් සංවිධානය කරන ලද ගාල්ල දිස්ත්‍රික්කයේ පැල බෙදා දීම සහ පැල සිටුවීම මෙන්ම ජීවනෝපාය සදහා කිකිළි පැටවුන් බෙදා දීම නියෝජ්‍ය කතානායක චන්දිම වීරක්කොඩි මහතාගේ ප්‍රධානත්වයෙන් ඉමදුව හොරදුගොඩ දී පැවිත්විණි.
මෙම අවස්ථාව සදහා දකුණු පළාත් සභා මන්ත්‍රී ඒ.ජී.සී පියසිරි මහතා, ඉමදුව ප්‍රා දේශීය සභා සභාපති, උපසභාපති, ඉමදුව ප්‍රා දේශීය ලේක්ම් ලක්ෂ්මී කාන්තී යන මහත්ම මහත්මීන් සහභාගී වුහ.

මීට සමගාමීවම බටපොල දී දකුණු පළාත් ප්‍රධාන අමාත්‍ය ෂාන් විජේලාල් ද සිල්වා මහතාගෙන් ප්‍රධානත්වයෙන් දිවි නැඟුම වැඩ සටහන ආරම්භ විය, මෙහි දී අදහස් දැක් වු ප්‍රධාන අමාත්‍යවරයා,

දිවි නැඟුම යණු මිනිසුන් ඇට මස් නහර දක්වා කා වැදුණු වැඩ සටහනක් බවට දැන් පත්ව තිබෙනවා.
ඉසුරුමත් නිවහනක් - අසිරිමත් මව්බිමක් මෙය අද තේමාව ඒ තේමාව යථාර්ථයක් බවට පත්වෙමින් තිබෙන අවස්ථාවක අද දිවි නැගුම හයවන අදියර ක්‍රියාත්මක කරමින් සිටිනවා. මෙය ආරම්භයට ප්‍රථමයෙන් කෘෂිකාර්මික නොවන ජනතාවගෙන් මේ කෘෂිකාර්මික කටයුතු ඈත් වෙමින් තිබුනා. කුඹුරු ගොවි බිමි ගොඩකර රාජ්‍ය ප්‍රතිපත්ති තිබු යුගයක් අවසන් කර මේ රජය අද තට්ටු නිවාසයක සිටින ජනතාව පවා කිසියම් කෘෂිකාර්මික වැඩකට අතගසා තිබෙන තත්වයක් දක්වා රට ගෙන ඒමට හැකිවුනා.
රටක් ස්වයං පොෂිත වීමට නිවස ස්වයං පොෂිත විය යුතුමයි. ඒ සදහා අපි මේ වැඩ සටහන ලෝකයට පවා ආදර්ශයක් දෙමින් ආරම්භ කරා. අද ඇමරිකාණු ජනාධිපති ආර්ය පවා මේ ආකාරයෙන් තම ගෙවත්තෙහි කෘෂිකාර්මික බෝග වැවීම සදහා යොමු වී ඇති බවට විදේශ මාධ්‍ය පසුගිය දා වාර්තා කලා. එහෙම බැලුවහම එහේ මේ වැඩ පටන් ගෙන තිබෙන්නෙත් අපෙන් ඉගෙන ගෙන වගේ.
එසේම අපේ රටෙත් බොහෝ විශ්‍රාමිකයින් පවා අද මේ කෘෂිකර්මාන්තයට යොමු වී තිබෙනවා. මෙය තමයි අද ඇති වී තිබෙන වෙනස. මේ වෙනස සිදු කිරීමේ දී මුලින් බොහෝ දෙනෙක් විරුද්ධ වුනා පැළ පැලවෙන්නේ නෑ කිව්වා, වැඩක් නෑ කිව්වා මේවා සල්ලි කන වැඩ කිව්වා, කඩෙන් ගෙනල්ලා කන එක මීට ලාභයි කිව්වා මෙහමෙ කියපු හැම කෙනොම අද මේ වගාවන් වලට යොමු වෙලා. රාජ්‍ය ආයතන පෞද්ගලක ආයතන පවා අද තම ගෙවත්තේ පිට රට මලපැල වෙනුවට එලවළු පැල ඉන්දන්න පුරුදු වෙලා.
වෙනදා ගෙවත්තක අලංකාරයට ඉන්දන වෙනත් මල් වර්ග වෙනුවට අද එලවළු පැල වලින් ගෙවතු අලංකරණය වී තිබෙනවා. ලෝක ආහාර අර්බුදය රටක් ලෙස ජයගැනීමට ආරම්භ කර දිවි නැඟුම අද ජනතාවගේ වැඩ සටහනක් ලෙස මිනිසුන් වැලදගෙන තිබෙනවා. මේ හේතුවෙන් අපිට ඇති වු ගංවතුර, නියඟයන් වලදී පවා එලවළු මිල තරමක පාලනයක තබා ගැනීමට අපිට හැකියාව ලැබුනා. මමත් අද උදෑසන නිවසින් එන විට දිවිනැඟුම පලමු අදියර වෙනුවෙන් ලබා දුන් පැල අද විශාල ගස් වී ඇති අයුරුත් එයින් ජනතාව ළුලදාව ලබා ගන්නා අයුරුත් දුටුවා යැයි ද ප්‍රධාන අමාත්‍යවරයා පැවසීය.
ඡායාරූපයෙන් දැක්වෙන්නේ ප්‍රධාන අමාත්‍යවරයා පැල සිටුවා දිවිනැගුම හයවන අදියර ආරම්භ කර අවස්ථාව සදහා ජනතාවට පැල, හා වෙනත් ජීවනෝපාය උපකරණ ලබා දුන් අවස්ථාවයි.

.

Sunday, 19 October 2014

අද තියෙන බොහෝ ගීත වලින් ලබන්න පුලුවන් වන්නේ රසවින්දනයක් නොව ෆන් එකක් පමණයි. - කථිකාචාර්ය ශ්‍රාස්ත්‍රපති නිශ්ශංක දිද්දෙණිය මහතා , ප්‍රා දේශීය සාහිත්‍ය කලා මහෝත්සය ඉමදුව

@ ලංකින්ද නානායක්කාර

ඉමදුව ප්‍රා දේශීය ලේකම් කාර්යාලය මඟින් සංවිධානය කරනු ලැබු ප්‍රා දේශීය සාහිත්‍ය කලා මහෝත්සය පසුගිය 18 දින දික්කුඹුර ශ්‍රී සිද්ධාර්ථ විද්‍යාලයේ දී පැවැතිවිණි.
මෙහි ආරාධිත දේශකයා ලෙස කැලණිය හා සෞන්දර්ය විශ්ව විද්‍යාලයේ නාට්‍ය හා රංග කලාව පිළිබද බාහිර කථිකාචාර්ය ශ්‍රාස්ත්‍රපති නිශ්ශංක දිද්දෙණිය මහතා සහභාගී විය.
මෙහි දී අදහස් දැක් වු නිශ්ශංක දිද්දෙණිය මහතා මෙසේ පැවසීය,
අද තියෙන බොහෝ ගීත වලින් ලබන්න පුලුවන් වන්නේ රසවින්දනයක් නොව ෆන් එකක් පමණයි. සමහර ගීත වල එක වචනයකට තව චවනයක් ගැලපෙන්නේ නෑ. බෙහෝ දරුවන් හය හත වසරේ ඉන්න විට පෙන්නන්න බැරිම ගායකයා වන්නේ අමරදේව මහත්තයායි. මටත් එහෙම තත්වයක් තැබුනා. නමුත් කාලයාගේ ඇවෑමෙන් එය නිවැරදි වෙනවා.

මෙහි දී අදහස් දැක් වු ඉමදුව ප්‍රා දේශීය ලේකම් ලක්ෂ්මී කාන්තී මහත්මිය,
අද තියෙන තරඟකාරී රටාව නිසා දරුවන් පුරුදු පුහුණු වී සිටින්නේ තම විෂයානුබද්ද පොත පත පමණක් භාවිතා කිරීමට පමණයි. පුවත්පත වුනත් උදෑන රූපවාහිණියෙන් නරඹනවා ඇරෙන්න පුවත් පතක ඇති වටිනා ලිපි කියවීමට උනන්දුවක් දක්වන්නේ නෑ. මෙවැනි තත්වයක් තුල රජය විසින් මෙසේ සාහිත්‍ය මාසයක් නම් කිරීම ගොඩක් වටිනවා. අඩුම වශයෙන් එම මාසය තුලවත් මෙවැනි දේශණ හා සාහිත්‍යට අදාල දේවල් කරන්නට ලැබීම නිසා දරුවන්ගේ සාහිත්‍ය දැනුම වැඩි දියණු කිරීමට හැකියාව ලැබී තිබෙනවා.

වගා බිමක දිවි ගෙවන අවරගිර ගුරු තරුව


@ ලංකින්ද නානායක්කාර

"දිවි නැඟුම මිනිසුන්ගේ දිවි වෙනස් කරන වැඩ සටහනක් වේවි", මෙහෙම කිව්වේ ආර්ථික සංවර්ධන අමාත්‍ය බැසිල් රාජපක්ෂ ඇමතිවරයා දිවි නැඟුම වැඩ සටහන පටන් ගන්න අවස්ථාවේ ඒ අදින් වසර කිහිපයකට පෙර. එවදන් අද බොහෝ විට සපථ වෙලා. පොඩි පොඩි බිම් කඩක් පවා හිමි  සෑම තරාතිරමකම පුද්ගලයලයෙකු පවා මේ වැඩ සටහනට අද වන විට සම්බන්ධ වී අවසන්.
එවන් මිනිසෙකු ගැන අපුරු කතාපුවතකි මේ, ගාල්ල රිච්මන්ඩ් විද්‍යාලයේ නියෝජ්‍ය විදුහල්පතිවරයෙකු වශයෙන් තම රාජ්‍ය සේවය අවසන් කර සුනිල් ජයවර්ධන මහතා ගාල්ල ඉමදුව හොරදුගොඩ පදිංචි කරුවෙකි.
මම රාජ්‍ය සේවයට අයුබෝවන් කී කාලයේ ම තමයි දිවි නැඟුම වැසටහන ආරම්භ කරන කාලය. ඒ අවස්ථවේ ම කෘෂිකර්ම උපදේශක මහතුන් වන කුමාර කොඩිතුවක්කු සහ අරුණ පියරිසි මහත්වරුන් දිවි නැඟුම වැඩ සටහන පිළිබදව මට දීර්ෂ විස්තරයක් ලබා දුන්නා. ඒ අනුව මම මේ වැඩේට අත ගැහුවා. මෙහෙම කියන්නේ අද වගා බිමක දිවි ගෙවන අවරගිර ගුරු තරුවක් වන සුනිල් ජයවර්ධන මහතායි. තම වගාව පිළිබදව වැඩි දුරටත් අදහස් දක්වන ඒ මහතා,
ප්‍රාදේශීය ලේකම් තුමියනි, මේ වල්ලාපට්ටා

මම දැනට බඩ ඉරිඟු, මිරිස්, ඉඟුරු , අමුමිරිස් වගේම වෙනත් ආර්ථික බෝග කිහිපයක්ම වවල තියෙනවා. පසුගිය කාලය තුල අමුමිරිස් රුපියල් 900 ක මිලක් වෙන කොට මගේ ලඟ ඕනෑ තරම් අමුමිරිස් තිබුනා. බොහෝ දෙනා ඇවිල්ලා මගෙන් ඒ දවල් වල අමුමිරිස් ගත්තා.
ඒ වගේම දැන් ලංකාව තුල ඉහල මිලක් තියෙනවා කියන වල්ලාපට්ට වගාවකුත් මගේ ගෙවත්තේ වෙනම පැත්තක තියෙනවා. ඒක නම් තවම තියෙන්නේ මුලික අවධියේ. අනිත් සියළු වගාවන් අදායම් ලැබිය හැකි මට්ටමක තියෙනවා.

දැන් මට හිතෙන්නේ තවානක පැල හරියට ප්‍රාථමික අංශයේ දරුවන් වගේ. පෝර උරා ගෙන සුලඟට එහා මෙහා දඟකරණ පැල ලොකු පංති වල ළමයි වගේ. මල් පිපී ළුල දරණ නාබර ගස් අපෙන් ඈත් වෙලා සමාජ ගත වුන දරුවෝ වගේ මම මේ ගහකොළ එක්ක කතා කරනවා. මෙහෙම කියන්නේ මේ ගොවියෙකු වු ගුරු තරුවයි.


මේ සියල්ල සදහා ඉමදුව ප්‍රා දේශීය ලේකම්තුමිය ලක්ෂ්මී කාන්තී මහත්මිය ඇතුළු නිළධාරීන් ලබා දුන් සහය ඉතා වටිනවා. එසේම මෙවර දිවි නැඟුම පැල තවාන් වලින් එකක් මටත් ලැබුනා ඒ අනුව ඔක්තොබර් 20 වෙනිදා මෙවර දිවි නැඟුම ජාතික උත්සවයට සමගාමීව පැවැත්වෙන ඉමදුව ප්‍රා දේශීය ලේකම් කාර්යාලය සංවිධානය කරන ප්‍රා දේශීය උත්සවය පැවැත් වෙන්නේ මගේ නිවසේ ඒ සදහා පැල බෙදා දීම සදහා මම මේ වන විට පැල හදමින් සිටිනවා.

Tuesday, 2 September 2014

ගුවන් තොටුපොළ වැඩවර්ජනයකට




ගුවන් තොටුපොළ දෙවන ආරකෂක ලෙස සේවය කරන මාර්ෂල් සම්පත් විතාන මහතාට පහර දුන් ආරක්ෂක ප්‍රධානියා සේවයෙන් ඉවත් නොකොලොත් ගුවන් තොටුපොළෙ සියළු සේවකයින් එකාවන්ව වැඩවර්ජනයක නියලීමට සූදානම් බව ගුවන් තොටුපොළ නිදහස් සේවක සන්ගමය කියයි. ලබන් සදුදා වනවිට ආරක්ෂක ප්‍රධානියා ඉවත් කිරීමට බළධාරීන් අසමත්වන්නේනම් අගහරුවාදා ගුවන් තොටුපොළ වැඩවර්ජනයකට පෙල ගස්වන බව නිදහස් සේවක සන්ගමයේ සබාපති එම් ඩබ් බී මුහන්දිරම් දිවයිනට පැවසීය.
මෙම පහර දීමට එරෙහිව ගුවන් තොටුපොළ සේවකයෝ ඊයේ එහි සබාපති ප්‍රසන්න වික්‍රමසූරිය මහතාට සන්දෙශයක් බාරදුන්හ.
මීට වසර කීපයකට පෙර මෙම ආරක්ෂක ප්‍රධානියාගේ නිල කාමරය තුලදී ගුවන් තොටුපොල සේවකයෙකුට වූ පහරදූමක්  පිළිබදව පොලිස් පරීක්ෂණ නොකිරීම නිසා මානව හිමිකම් කොමිසම  දක්වා යාමට සිදුවූ බව ගුවන් තොටුපොළ නිදහස් සේවක සඔගමය කියයි.

Sunday, 31 August 2014

ලොක්කගෙන් ගුටි කෑ එකෙක් රෝහලේ


 ගුවන් තොටුපොළ හා සේවා සමාගමේ ප්‍රධාන ආරක්ෂක නිළධාරියාගෙන් පහර කෑමට ලක්වූ   ආරක්ෂක නිලධාරියෙකු රාගම රෝහලට ඉකුත් 28 දින ඇතුලත් කර ඇත. කණ්ඩායම් භාර ආරක්ෂක ප්‍රධානී මාෂල් සම්පත් විතාන  මෙසේ රෝහල් ගතව සිටියි. මාෂල් සම්පත් විතාන මහතාගේ නිල කාර්යාලයට  පැමිණි ගුවන් තොටුපොළ ආරක්ෂක ප්‍රධානියාගෙන් යම් රාජකාරී කටයුත්තක් පිළිබදව විමසූ අවස්ථාවේ ඔහුගේ  බෙල්ලෙන් අල්ලා හිසට පහරදී ඇති බව නිදහස් සේවක සoගමයේ සභාපති එම්. ඩබ්. බී මුහන්දිරම් පැවසීය. පහර කෑමට ලක්වූ නිලධාරියා හෘද රෝගියෙකි.



@ කුමාරසිරි ප්‍රසාද් - ගුවන් තොටුපොළ

Friday, 29 August 2014

දස ලක්ෂය වන සoචාරකයා



2014 වසරේ මෙරටට පැමිණි දස ලක්ෂය වන සoචාරකයා ඊයේ 28 සවස දිවයිනට පැමිණියේය. දස ලක්ෂය වන සoචාරක යුවල ලෙස බ්‍රිතාන්‍ය ජාතික ජොසුවා ග්ලැඩ්ස්ටේන් හා සොපී නාදන් ශ්‍රී ලoකා සoචාරක ප්‍රවර්ධන කාර්යoශයේ කළමනාකාර අධ්‍යක්ෂක රූමි ජව්ෆර් මහතා ඇතුළු සoචාරක ක්ෂේත්‍රයේ පිරිසක් විසින් ගුවන් තොටුපොළේදී පිළිගන්නා ලදී.

                                                                                 ඡායාරූපය - කුමාරසිරි ප්‍රසද්- ගුවන් තොටුපොළ

Wednesday, 27 August 2014

වාරියපොළ නoගී උසාවියට

 තිලිණි අමල්කා (21)නම්වූ තරුණියගෙන් වාරියපොළ නගරයේ දී කම්මුල් පහර කෑ රැකියාව ලෙස පොල් කඩන්නකු හා  එක්දරු පියකු වන සෙල්වා (32) වාරියපොළ රෝහලේ සිට කුරුණෑගල රෝහලට වැඩිදුර ප්‍රතිකාර සදහා එවා ඇත.ඔහුගේ කන් නෑසෙන බව රෝහල් ආරoචි වලි පැවසේ.
 හෝමාගම පෞද්ගලික සමාගමක සේවය කරන  තිලිණි අමල්කා වෛද්‍යවරයකුට යොමු කැර අධිකරණයට ඉදිරිපත් කිරීමට නියමිත බව වාරියපොළ පොලිසිය පවසයි.

                                                               @ කුමාරසිරි ප්‍රසාද්

Wednesday, 20 August 2014

රජය එක ගමකට එක වැඩක් වැනි සංවර්ධන යෝජනා ක්‍රියාත්මක කරමින් සිටය දී විපක්ෂය එක ගමකට එක බොරුවක් බැගින් කියමින් ජනතාව මුලා කරනවා. නියෝජ්‍ය කතානායක චන්දිම වීරක්කොඩි

රජය එක ගමකට එක වැඩක් වැනි සංවර්ධන යෝජනා ක්‍රියාත්මක කරමින් සිටය දී විපක්ෂය එක ගමකට එක බොරුවක් බැගින් කියමින් ජනතාව මුලා කරමින් සිටින බව නියෝජ්‍ය කතානායක චන්දිම වීරක්කොඩි මහතා පවසයි. ඒ මහතා එසේ පැවසුවේ ඉමදුව ප්‍රා දේශීය ලේකම් කොට්ඨාශයේ එක ගමකට එක් වැඩක් ව්‍යාපෘති කිහිපයක් ආරම්භ කරමින් සහ තවත් ව්‍යාපෘති කිහිපයක් විවෘර්ත කරමින් පැවති රැස්වීමට පසුගිය 15 දින සහභාගී වෙමිනි. මෙහි දී වැඩි දුරටත් අදහස් දැක් වු නියෝජ්‍ය කතානායක වරයා,
රජයේ වැඩ පිළිවෙල ගැන විවේචනය කරන්න බැරි නිසා දැන් මොවුන් කරන්නේ මොකක් හරි බොරුවක් හැමදාම කියමින් සිටින එක. බොහෝ වෙලාවට ඒ කියන බොරු එක ගමකට හෝ එක සතියකට විතරයි. ඊට පස්සේ ඒ කියන දේ ගැන කතාවක් වත් නෑ. ඌව පළාත් සභා මැතිවරණය ආරම්භ කරේම එජාපය පරාජය වෙලා. මැතිවරණ කොමසාරිස් වරයා විසින් නීති ප්‍රකාරව සිදු කරපු ආසන වෙනස් කිරීම සදහා නඩු දැම්මා ඒක පැරදිලා තමයි මේ සටන ආරම්භ කරන්නෙම. ගියවර දකුණු පළාත් සභාව අවස්ථාවේ ගාල්ලෙන් ආසන දෙකක් අඩුවුනා. 2001 විතර මොනරාගලින් ඔය ආසන දෙක අඩුවෙලා බදුල්ලට ගිය ඒ අවස්ථාවල මේ විපක්ෂයේ අය කතා නෑ. ඔවුන් දන්නවා නීතිය මොකක් ද කියලා. දැන් මේ විවේචන නැති වුනාම මොනවා හරි කියලා මාධ්‍යය ඉදිරියේ ප්‍රචාරයක් ගන්න ඕන වුනාම මේ වගේ එක ගමට එක සතියට බොරු කියනවා.
ඊට පස්සේ දැන් කියනවා ඌවේ දුප්පත් කම ගැන 2005 දී ඌව පළාතේ දුප්පත් කම තිබුනේ 33% ක් පසුගිය කාලයේ ඒක 14% ට පමණ අඩුකරන්න අපිට හැකිවුනා. මහ බැංකු වාර්තා සාදන අවස්ථාවේ ඇති වු නියඟය වැනි කාරණා නිසා එහි පොඩි වැඩි වීමක් ඇති වුනා. නමුත් එය මාස දෙක තුනකට පමණක් සීමා වු දෙයක්. ඒක ඌවේ මිනිස්සු දන්නවා. මේ කොළඹ ඉන්න විපක්ෂයේ උදවිය හිතන්නේ එහේ වගේ කාළගුණික හේතු නිසා අදායම විචල්‍ය වෙන්නේ නෑ කියලා. නමුත් මොණරාගල , බදුල්ල වැනි ප්‍ර දේශ වල කාලගුණ විපර්යාස නිසා ආදායම විචල්‍ය වෙනවා. ඒ දේවල් තාවකාලික දේවල්.
අද ඌව පළාතේ 90% වැඩි ප්‍රමාණයක් සදහා විදුලිය ලබා දී තිබෙනවා. වර්තාමාන රජය තරම් ගොවීන් ගේ ප්‍රශ්න දෙස ගොවීන්ගේ පැත්තෙන් බලපු රජයක් ඉතිහාසය තුලම නෑ. ඒක ඌවේ ජනතාව මෙන්ම මේ රටේ ගොවි ජනතාව හොදින් දන්නවා.
බලයේ සිටිය දී ධවල පත්‍රිකාව වැනි අධ්‍යාපනයේ අවමඟුල් චක්‍ර ලේක ගෙනවිත් ගොවි ජනතාවගේ දු පුතුන්ගේ අධ්‍යාපන අයිතිවාසිකම් නැති කිරීම සදහා පිඹුරු පත් සැකසු එජාපය අද කියන කතා වලින් හොදින්ම තේරෙනවා මේ කියන්නේ බොරු බව.
අද ජනතාව බොහෝ විට ඉල්ලීම් කරන්නේ තමන්ගේ පාර හදලා දෙන්න වැනි ඉල්ලීම්. නමුත් මේ විපක්ෂය කරන්නේම පාරවල් හදන එකට විවේචන. මොක ද ඔවුන් දන්නවා  මාර්ග සෑදීම වැනි යටිතල පහසුකම් දියුණු කිරීම තුලින් දේශපාලනය ගැන ඇල්මක් දක්වන නොදක්වන සෑම කෙනාටම මේ තුලින් සහන සැලසෙන බව. ඒ නිසා ඔවුන් නිරන්තරයෙන්ම රජයට සහය දක්වන නිසා මේ යටිතල පහසුකම් සංවර්ධනය ගැන අද කිඹුල් කදුලු හෙලනවා. ජනතා විමුක්ති පෙරමුණ වැනි පක්ෂ නම් කොහොමත් කැමති නෑ ගමේ දරුවා ඉගෙනගන්නවා නම්, ගමේ පාර හැදෙනවා නම්, මොක ද එතකොට ගමේ ප්‍රශ්න අඩුවෙනවා. එවිට ඔවුන්ගේ දේශපාලන අවශ්‍යතා සදහා ජනතාව සහභාගී වෙන්නේ නෑ. ඔවුන්ට අවශ්‍ය ප්‍රශ්න තියෙන ජනතාවක් තියාගෙන සිටීම. එම නිසා තමයි ඔවුන් සෑම විටම ඕනෑම හොද සංවර්ධන වැඩක් සදහා මොකක් හෝ බොරුවක් කියලා ඒක නවත්වන්න හදන්නේ. ඔවුන් නිතරම කලේ දුප්පත් ජනතාවට හතුරුකම් මිසක් පොහොසත් ජනතාවට හතුරු කමක් නොවේ. ඒ කාලේ පුච්චපු තරමක් පිච්චුවේ සාමාන්‍ය මිනිස්සු යන බස්රඨ පමණයි. එක ප්‍රා ඩෝ එකක් වත් මේ පුච්චපු වාහන අතර නෑ.
පසුගිය කාලය තුල ද්විතීක පාසල් වලට මේ ආකාරයේ එක ගමකට එක බොරුවක් වෙන්න කියලා මිනිස්සු උසි ගන්වලා පාරට ගෙනාවා. නමුත් රජය ජනතාවගේ පැත්තේ සිට රජය ඒ දේ කරා. අද එහෙම උසි ගන්වපු මිනිස්සුගේ දරුවන් මහින්දෝදය තාක්ෂණික විද්‍යාගාර වලින් ඉගෙන ගන්නවා. ඒ පහසුකම් ලබනවා. කිසිලෙසකින් වත් ජාතික හා ජනප්‍රිය පාසල් වලට එන්න බැරි වු පොෂිත පාසල් වල ඉන්න දරුවන් අද සියළු පහසුකම් සහිත පාසල් වලට 6 වසරේ ඉදලා එනවා. අද ඒ ජනතාව තේරුම් ගෙන තිබෙනවා මේ අයගේ මේ බොරු පිළිබදව. දැන් මේ ජනතාව එදා උසිගන්වපු අය ඒ පිළිබදව කිසිම දෙයක් කියන්නේ නෑ.

@ ලංකින්ද නානායක්කාර

අන්තර් ප්‍රාදේශීය ලේකම් කාර්යාල ඵලදායීතා තරඟයේ ලංකාවෙන්ම පස්වන ස්ථානය ඉමදුව ප්‍රාදේශීය ලේකම් කාර්යාලයට



@ ලංකින්ද නානායක්කාර

අන්තර් ප්‍රාදේශීය ලේකම් කාර්යාල ඵලදායීතා තරඟයේ ලංකාවෙන්ම පස්වන ස්ථානය දිනාගැනීමට ඉමදුව ප්‍රාදේශීය ලේකම් කාර්යාලය සමත් වී ඇත.
ඵලදායීතා ශිල්ප ක්‍රම හා මෙවලම් භාවිතය තුලින් මහජනතාවට ඵලදායී සේවාවක් ඉෂ්ඨ කිරීම සදහා රාජ්‍ය සේවකයින් පෙල ගැස්සීමේ අරමුණින් ඵලදායීතා ලේකම් කාර්යාලය විසින් මෙම තරඟාවලිය වසරක් පාසා පවත්වනු ලබයි. ඒ අනුව ප්‍රාදේශීය ලේකම් කාර්යාල ඛාන්ඩ ගත කිරීමක් ද සිදු කරනු ලබයි.
අදාල ජයග්‍රහණය පිළිබදව අදහස් දක්වමින් ඉමදුව ප්‍රාදේශීය ලේකම් ලක්ෂ්මී කාන්තී මෙනවිය පැවසුවේ, නවීන තාක්ෂණික ක්‍රම භාවිතා කරමින්  මහජනතාවගේ ප්‍රශ්න සදහා ඉක්මන් විසදුම් ලබා දීම ඉමදුව ප්‍රාදේශීය ලේකම් කාර්යාලයේ අරමුණ බවත්, ඉදිරියටත් ජනතාව සදහා ඵලදායී කාර්යක්ෂම සේවාවක් ලබා දීම තමා ඇතුළු තම කාර්ය මණ්ඩලයේ අරමුණ බවත්ය.
මෙම ඵලදායීතා තරඟයේ ලංකාවෙන්ම පලමු ස්ථානය බුත්තල ප්‍රාදේශීය ලේකම් කාර්යාලය විසින් දිනා ගෙන ඇත.



Monday, 18 August 2014

පලස්තීන ජනතාව වෙනුවෙන්



          ජාත්‍යන්තර ප්‍රවාහන සම්මේලනයේ දකුණු ආසියානු කලාපීය විධායක සභික ධූරයෙන් පිදුම් ලැබූ ශ්‍රී ලoකා නිදහස් සේවක සoගමයේ ප්‍රධාන ලේකම් ලෙස්ලි දේවෙන්ද්‍ර මහතා පෙරේදා 17 දිවයිනට පැමිණියේය.ගුවන් තොටුපොළ නිදහස් සේවක සoගමය ශ්‍රී ලoකන් මිහින් ලoකා  ඇතුළු  නිදහස් සේවක සoගම් වල නියෝජිතයෝ ඔහු පිළිගැනීමට ගුවන් තොටුපොළට පැමිණ සිටියහ.
හතලිස් ලක්ෂයක් පමණ සිටින මෙම සම්මේලනයේ මෙම තනතුර ලැබීම රටට ලැබුණු ගෞරවයක් ලෙසයි මම දකින්නේ ආසියානු කලාපයේ විශේෂයෙන් ඉන්දියාවේ පූර්ණ සහය මෙම තනතුර ලබාගන්න අපට ලැබුණා 
අන්තර් ජාතික ප්‍රවාහන  ක්ෂේත්‍රයේ දියුණුවට ගැටළු විසදා ගැනීමට බොහෝ තීන්දු තීරණ මෙහිදී ගැනුනා 
ඒ වගේම කියන්න ඕන පලස්තීන මිනිස් සoහාරය ට එරෙහිව පැහැදිලි දේශපාලන තීන්දුවක් ගත්තා පලස්තීනයේ කුඩා ළමයි පන්සීයකට වැඩිය නිදාගෙන සිටිත්දීම ඊස්‍රායල ප්‍රහාර වලි මියගොස් තියනවා ඒවා යුධ අපරාද නොවේ ආත්ම ආරක්ෂාවට කලා කියලා තමා ඔවුන් කියන්නේ යැයි ලෙස්ලි දේවෙන්ද්‍ර මහතා ගුවන් තොටුපොළේදී කීය.
ලoකාවේ වැඩ කරන ජනතාව එක් දිනක් හෝ පාරට බැහැලා පලස්තීන ජනතාව වෙනුවෙන් හඬ නැගිය යුතු බවද ඔහු පැවසීය.
ලෝකයේ වැඩ කරන කාන්තාවන්ට මග තොටදී වැඩබිමේදී  සිදුවන හිoසන  වලට එරෙහිව ජාත්‍යන්තර බලවේගයක් ගොඩනැගීම කෙරෙහිද සමුළුවේදී තීන්දු ගත්බව ලෙස්ලි දේවෙන්ද්‍ර මහතා  වැඩිදුරටත් පැවසීය.
ලoකාවේ රාජ්‍ය අoශයේ හා පෞද්ගලික අoශය තුල පිලිලයක් වී ඇති කොන්ත්‍රාත් සේවය පිළිබදව ජාත්‍යන්තර අවධානය යොමුකිරීමට සමුළුව අමතා කල කතාවෙදී තමන්ට හැකිවූ බවත් කිසිදු වරප්‍රසාදයක් නොමැතිව අඩු පඩියකට වැඩකරන  ලාoකික සේවකයින් පිළිබදව මෙහිදී සභාව දැනුවත් කල බවත්  ඔහු  පැවසීය.
ගුවන් නාවුක මාර්ග දුම්රිය ඇතුළු ප්‍රවාහන ක්ෂේත්‍රයේ  නියෝජිතයින් ගේ සහභාගීත්වයෙන් බල්ගේරියාවේ සොෆියා නගරයේදී ජාත්‍යන්තර ප්‍රවාහන සම්මේලනයේ 43 වන සමුළුව පැවත්විණි.

                                            @  කුමාරසිරි ප්‍රසාද් - ගුවන් තොටුපොළ






Thursday, 7 August 2014

නෙළුම් මල් පූජාව



රණවිරුවන්ට උපහාර පිණිස පවත්වන  වාර්ෂික නෙළුම් මල් පූජාව  03  දා කටුනායක ශ්‍රී ශෛලබිම්භාරාම පුරාණ විහාරස්ථානයේදී  විහාරාධිපති තම්මිට සිරි අරියවoශ හිමියන්ගේ අනුශාසනා පරිදි පැවත්විණි. විහාරාධිපතිව වැඩවිසූ අපවත්වී වදාල අති පූජ්‍ය බෝලගල සිරිසුමන  නාහිමිපාණන් විසින් මෙම පූජාව වසර  දහතුනකට පෙර ආරම්හ කර ඇත.
ආයෝජන මණ්ඩලය, කලාපයේ ආයතන, ශ්‍රී ලoකන් ගුවන් සමාගම, ගුවන් තොටුපොළ බෞද්ධ සoගමය, කටුනායක සීදුව නගර සබාව , කටාන ප්‍රාදේශීය සභාව ආරක්ෂක අoශ , ප්‍රදේශයේ ව්‍යාපාරික ආයතන මෙම පින්කමට දායකවූහ.
නෙළුම් මල් පූජාව හා ධර්ම දේශණාව ගනේමුල්ල සෙත්සෙවණ සදහම් විහාරාධිපති කිවිපති, කාව්‍යශිරෝමනී, ආචාර්ය, විචිත්‍ර ධර්මදේශක අතිපූජ්‍ය සන්නස්ගම බුද්ධප්‍රිය හිමිපාණන් විසින් පවත්වන ලදි.















                                                                                                      කුමාරසිරි ප්‍රසාද් - ගුවන් තොටුපොළ

Wednesday, 6 August 2014

බර උසුලා




           විසිවැනි පොදු රාජ්‍ය මණ්ඩලීය ක්‍රීඩා උළෙලට සහභාගිවී  රිදී පදක්කමක් අතැතිව පැමිණි බර ඉසිලීමේ ශූර සුදේශ් පීරිස් ගුවන් තොටුපොල විශේෂ අමුත්තන්ගේ පර්ජයන්තයේදී ශ්‍රී ලංකා බර ඉසිලීමේ සංගමය හා ක්‍රීඩා සංවර්ධන දෙපාර්තමේන්තුවේ නිළධාරීන් විසින් පිළිගත් අයුරු.   

                 
video

                                                                                      ඡායාරූපය - කුමරසිරි ප්‍රසාද් - ගුවන් තොටුපොළ

Friday, 1 August 2014

ආසියානු මට්ටම අභිබවා


කුමාරසිරි ප්‍රසාද් - ගුවන් තොටුපොළ

ස්කොට්ලන්තයේ ග්ලාස්ගෝහි පැවත්වෙන පොදු රාජ්‍ය මණ්ඩලීය ක්‍රීඩා උලෙළේ සත් සාමජික රග්බි තරඟාවලියේ පළහ ශූරතාව දිනූ ශ්‍රී ලOකා කණ්ඩායම පෙරේදා 30 සවස දිවයිනට පැමිණියේය. ට්‍රිනිඩැඩ් හා ටොබැගෝ කණ්ඩායම ලකුණු 43-07 ක් ලෙස පරාජයට පත් කරමින්  ශ්‍රී ලOකාව ශූරතාව දිනා ගත්තේය.

අපේ  කණ්ඩායම ආසියානු මට්ටම අභිබවා ගොස් තිබෙනවා  ඉදිරි අනාගතයේ ලෝක මට්ටමේ තරගවලදී කුසලතා දැක්විය හැකියි.  ලOකා කණ්ඩායමට විදේශීය ක්‍රීඩකයින් දෙදෙනෙකු බඳවා ගතහොත් තවත් ඉදිරියට යා හැකි බව රග්බි සOගමයේ ලේකම් ගෲප් කැප්ටන් නලින් ද සිල්වා මහතා ගුවන් තොටුපොළෙදී  පැවසීය.


Thursday, 24 July 2014

දකුණු පළාතේ පාසල් වල ප්‍රතිඵල අඩු වීමට සමහර විදුහල්පතිවරුන් ද මුලික හේතුවක්. සමහර විදුහල්පතිවරුන්ගේ ශ්‍රේණිය පලමු ශ්‍රේණිය වුනාට ප්‍රතිඵල බිංදුවයි. පාර්ලිමේන්තු මන්ත්‍රී (එජනිස) මොහාන් පී ද සිල්වා

දකුණු පළාතේ පාසල් වල ප්‍රතිඵල අඩු වීමට සමහර විදුහල්පතිවරුන් ද මුලික හේතුවක් බවත් සමහර විදුහල්පතිවරුන්ගේ ශ්‍රේණිය පලමු ශ්‍රේණිය වුනාට ප්‍රතිඵල බිංදුව බව ගාල්ල දිස්ත්‍රික් පාර්ලිමේන්තු මන්ත්‍රී (එජනිස) මොහාන් පී ද සිල්වා මහතා පවසයි. ඒ මහතා එසේ පැවසුවේ ගාල්ල දිස්ත්‍රික් සම්බන්ධීකරණ රැස්වීම සදහා සහභාගී වෙමිණි. එම ස්වීම දිස්ත්‍රික් සම්බන්ධීකරණ සම සභාපති දකුණු පළාත් ප‍්‍රධාන අමාත්‍ය ෂාන් විජේලාල් ද සිල්වා මහතාගේ ප්‍රධානත්වයෙන් ගාල්ල දිස්ත්‍රික් ලේකම් කාර්යාලයේ දී පැවැත්විණි. මෙහි දී වැඩි දුරටත් අදහස් දැක් වු මන්ත්‍රීවරයා මෙසේ ද පැවසීය, සමහර වැඩ බලන විදුහල්පතිවරු ඉන්නවා පාසල් ඉතාම හොද තත්වයෙන් ගෙනියන. ඒ අයට ශ්‍රේණි නෑ. නමුත් පාසල ඉතා හොදින් පවත්වාගෙන යනවා. ඒ අයට සාධාරණයක් විය යුතුයි. නැත්නම් ඒ අය හැමදාම එතනමයි.
දකුණු පළාත් අධ්‍යාපන අමාත්‍ය චන්දිම රාසපුත්‍ර මහතා,
එවැනි තත්වයක් තිබෙනවා. හොදින් පාසල් පවත්වාගෙන යන ශ්‍රේණි නැති වැඩ බලන විදුහල්පතිවරු කීප දෙනෙක්ම සිටිනවා. මම නම් කියන්නේ නෑ. නම නොකියවෙන අයට වෙන ආසාධාරණයක් නිසා.
පාර්ලිමේන්තු මන්ත‍්‍රී මනුෂ නානායක්කාර මහතා,
එසේ හොදින් වැඩකරගෙන යන විදුහල්පතිවරුන් ස්ථිර කරන්න ක්‍රමයක් නැද්ද.
දකුණු පළාත් අධ්‍යාපන අමාත්‍ය චන්දිම රාසපුත්‍ර මහතා,
ඒක මධ්‍යම රජය හා කරන්න ඕන වැඩක් නමුත් දකුණු පළාත් තුල අපි ඒ සදහා අපි වැඩ පිළිවෙලක් ක්‍රියාත්මක කරගෙන යනවා.
දකුණු පළාත් අධ්‍යාපන සැලසුම් අධ්‍යක්ෂිකා නාලිකා දොඩම්පේගම මහත්මිය.
දකුණු පළාතේ අධ්‍යාපන ප්‍රතිඵල විශ්ලේෂණය කිරීමේදී 2012 වරෂයට සාපේක්ෂව 2013 වරෂයේ දී ගාල්ල දිස්ත්‍රික්කයේ පසුබෑමක් දක්නට තිබෙනවා. 2012 වර්ෂයට සාපේක්ෂව 2013 වර්ෂයේ  සා.පෙළ විභාගයෙන් සිසුන් සමත් වීම 0.98% අඩු වී ඇත. නමුත් මාතර දිස්ත්‍රික්යේ සමත්වීම 2.72% ක හා හම්බන්තොට දිස්ත්‍රික්කයේ එය 1.22 ක වර්ධනයක් පෙන්නනවා. ගාල්ල දිස්ත්‍රික්කයේ ගාල්ල කලාපය හැර අනිත් කලාප වල 2012ට සාපේක්ෂව 2013 වර්ෂයේ ප්‍රතිඵල වල අඩුවක් තිබෙනවා. අනිත් අඩුවීම සිදුව තිබෙන්නේ හම්බන්තොට දිස්ත්‍රික්කයේ හම්බන්තොට කලාපය තුලයි. මාතර දිස්ත්‍රික්කයේ සියලූම අධ්‍යාපන කලාපවලින් පසුගිය වසරට සාපේක්ෂ වර්ධනයක් පෙන්වා තිබෙනවා.
කෙසේ නමුත්  දකුණු පළාතේ සමස්ත ප්‍රතිඵල අනුව 2012 වර්ෂයට සාපේකෂව 2013 වරෂයේ සාමාන්‍ය පෙළ සමත්වීමේ වර්ධනය 0.75 ක් දක්වා වර්ධනය වී තිබෙනවා. එම වර්ධනය සමස්ත ලංකා මට්ටමේ දී 1.93% ලෙස සටහන් වනවා. දිස්ත්‍රික්ක තුනටම අපි එකම ආකාරයේ වැඩ සටහන් ක්‍රියාත්මක කලා.
දකුණු පළාත් සභා මන්ත්‍රී (එජාප) විජේපාල හෙට්ටිආරච්ච් මහතා,
ප්‍රතිඵල අඩුවෙන්න ගුරු වරු අඩු වීමම නොවෙයි බලපාන්නේ. මම දන්න පාසලක ගණිතයට ගුරුවරු 4 ක් ඉන්නවා. නමුත් ප්‍රතිඵල හොද නෑ.
දකුණු පළාත් අධ්‍යාපන අමාත්‍ය චන්දිම රාසපුත්‍ර මහතා,
සාමාන්‍ය පෙල විභාගයට ආසන්න කාලයේ දී මට මේ සදහා මැදිහත් වෙන්න නොහැකි වුනා ඡුන්දය නිසා.  නැතිනම් මම ඇමතිවරයා වුනත් නිළධාරීන්ගේ මට්ටමට ඇවිත් මේ ගැන සොයා බලනවා. ඔය ප්‍රතිඵල අඩු පාසල් වලට මම පෞද්ගලිකව යනවා, ඒ අයට කතා කරනවා. දැන් දකුණු පළාත තුල ගුරු හිඟය අවම කරලා තිබෙනවා. සමහර තැන්වල හදිසියේ නිවාඩු ගියපු එකක් හැර. එකතැනක ගුරුවරු වැඩි වුනහමත් සමහර වෙලාවට ප්‍රශ්න ඇති වෙනවා. ඒ සොයා බලන්නම්. එවගේ සිදුවීම් බොහෝ විට වෙන්නේ ගාල්ල අවටයි. වැඩිපුරම ගුරුවරුන් බිහිවෙන්නේ ගාල්ල නගරය ආශ්‍රිතව ඉතින් ඔවුන් අවම දුෂ්කර කාලය වන අවුරුදු 5 සම්පුර්ණ කර නගරය ආසන්න පාසලකට එනවා. එතන දී ගුරුවරු වැඩිවීමක් සමහර පාසල් වල ඇති.
සමහරු කියයි නිළධාරීන් වගේ ඇමතිට වැඩ කරන්න  අවශ්‍ය නෑ කියලා. ඒවාට නිළධාරීන් ඉන්නවා කියලා. නමුත් මම ඒ දේ කරනවා. අධිකරණයකින් මට එපා කිව්වොතින් ඇරෙන්න ඒ වැඬේ නවත්වන්න කාටවත් බෑ.

ඉමදුව ඇසල කළාපයේ ප්‍රථම ස්ථාන බටේමුල්ල ජාතික පාසලට සහ අඟුළුගහ විද්‍යාලයට

ඉමදුව ප්‍රාදේශීය ලේකම් කාර්යලාය මඟින් සංවිධානය කරණු ලැබු ඉමදුව ඇසල කලාප රචනා තරඟයේ ශ්‍රේෂ්ඨ අංශයේ ප්‍රථම ස්ථානය බටේමුල්ල ජාතික පාසලේ ගිහානි අප්සරා දැරිය විසින් දිනා ගත් අතර මෙහි කනිෂ්ඨ අංශයේ ප්‍රථම ස්ථානය අඟුළුගහ විද්‍යාලයේ කේ.වයි. ටානියා මධුවන්ති ශිෂ්‍යාව දිනා ගන්නා ලදී.
ඔවුන් සදහා වන සහතික පත්‍ර සහ තාග්‍ය පිරිනැමීම පසුගිය 21 දින නියෝජ්‍ය කතානායක චන්දිම වීරක්කොඩි මහතා විසින් සිදුකරන ලදී.
ඡායාරූපයෙන් දැක්වෙන්නේ අදාල දැරියන් සදහා නියෝජ්‍ය කතානායක වරයා අතින් තාග්‍ය පිරිනමන අවස්ථාවයි. දකුණු පළාත් සභා මන්ත්‍රී ඒ.ජී.සී. පියසිරි ,ඉමදුව ප්‍රාදේශීය ලේකම් ලක්ෂ්මී කාන්තී මහත්මිය, ඉමදුව ප්‍රාදේශීය සභාවේ උප සභාපති උදාන කුසුම්සිරි යන මහත්වරුන් ද මෙම අවස්ථාවට සහභාගී විය.

දකුණු පළාතේ ව්‍යාපාර කටයුතු සදහා නෙදර්ලන්තයෙන් උපකාර

නෙදර්ලන්තයේ විදේශ වෙළඳ කටයුතු පිළිබඳ නියෝජ්‍ය අමාත්‍ය සයිමන් ස්මිට් මහතාගේ ප්‍රධානත්වයෙන් යුත් ඉහළ පෙළේ ව්‍යාපාරික කණ්ඩායමක් සමඟින් නෙදර්ලන්ත ශ්‍රී ලංකා තානාපති ලුවිස් පියට් මහතා හා   දකුණු පළාත් ආණ්ඩුකාර කුමාරි බාලසූරිය මැතිණිය අතර දකුණු පළාතේ ව්‍යාපාරික කටයුතු පිළිබදව සාකච්ඡාවක් පසුගිය 17 දින ගාල්ල ආණුඩුකාර  නිල නිවසේ පැවැත්විනි.
ජායාරූපවලින් දැක්වෙන්නේ නෙදර්ලන්ත විදේශ වෙළඳ කටයුතු නියෝජ්‍ය අමාත්‍ය සයිමන් ස්මිට් මහතා ඇතුළු දූත පිරිස සමග දකුණු පළාත් ආණ්ඩුකාරතුමිය සමූහ ජායාරූපයකට පෙනී සිටි සහ නෙදර්ලන්ත විදේශ වෙළඳ කටයුතු නියෝජ්‍ය අමාත්‍ය සයිමන් ස්මිට් මහතා හා දකුණු පළාත් ආණ්ඩුකාරතුමිය අතර සමරු තිළිණයන් හුවමාරුකරගත් අවස්ථාවයි.
Related Posts Plugin for WordPress, Blogger...