කටුනායක කොළඹ අධි වේගී මාර්ගයේ පෞද්ගලික බස් සේවා ඇරඹීමත් සමග ගාස්තු ගැටලුවක් පැනනැගී ඇතැයි බස් රථ රියදුරෙක් කීය. ගුවන් තොටුපොළ හා කොළඹ අතර ගමනා ගමන මණ්ඩලයේ බස් ගාස්තුව රුපියල් 130 කි. වෙළද කලාපයේ සිට අධිවේගී මග ඔස්සේ බස් ගාස්තුව රුපියල් 110 කි .
ගුවන් තොටුපොළ පිටවීමේ ෙදාරටුව අසල සිට ආරම්භ වන පැරණි මාර්ගයේ සුපිරි බස් ගාස්තුව රුපියල් 100 කි. ගුවන් තොටුපොළ සේවකයින් එහි සිට කටුනායක වෙළඳ කලාප බස් නැවතුම දක්වා මෙම බස් රථ මගින් බොහෝ කාලයක සිට නොමිලේ රැගෙන එන බව බස් හිමියෝ පවසති. එසේ නොමිලේ පැමිණෙන සේවකයින් වෙළඳ කලාප බස් නැවතුමේ දී අධිවේගී මාර්ගයේ බස් රථ වලට ගොඩවීම නිසා තමනට අසාධාරනයක් වන බව සාමාන්‍ය සුපිරි බස් හිමියෙක් පැවසීය.
කටුනායක නිදහස් වෙළඳ කලාප බස් පර්යන්තයේ සිට පසුගිය 20 දින ආරම්භවූ අධිවේගී මගේ සුපිරි සේවාව ට බස් රථ 10 ක් සේවාව සපයයි. සෑම විනාඩි 15 කට වරක් කටුනායකින් හා කොළඹ කොටුවෙන් බස් රථ පිටත්වේ
No comments:
Post a Comment