ඉමදුව ඇසල කලාපය ජුලි මස 12 සිට 16 දක්වා ඉමදුව නගරය කේන්ද්‍ර කර ගනිමින් පැවැත්වෙයි. මදුව ප්‍රා දේශීය සභාව සංවිධානයෙන් ශක්තිමත් වු මෙම ඇසල කලාපය සදහා මෙතෙක් පැවති දින තුන තුල විශාල පිරිසක් පැමිණ ඇති බව ඉමදුව ප්‍රා දේශීය සභාවේ උප සභාපති උදාන කුසුම්සිරි මහතා පවසයි.
අසල කලාපය තුල මහාසාර ජාතකය පිළිඹිමු කරන තොරණයක් ද දහම් පාසල් හා පාසල් හා සිවිල් සංවිධාන මගින් ඉදිරිපත් කර ඇති කූඩු හා ඇසල සරසිලි ද අඩංගු වෙයි.
ඉමදුව ඇසල කලාපයට සමගාමීව ඉමදුව ග්‍රාම සේවා වසම් 43 නියෝජනය වන ඉමදුව ප්‍රාදේශීය ලේකම් කාර්යාලය පුන්‍ය කටයුතු රැසක් සංවිධානය කර තිබුණි. ඒ අතර ඉමදුව ප්‍රාදේශීය ලේකම් කාර්යාල බල ප්‍රදේශය තුල සිටින ගැබිනි මව්වරුන් සියල්ල කැදවා භාවනා වැඩ සටහනක් ක්‍රියාත්මක කරන ලදී. එදිනම සියළුම ගැබිනි මාතාවන් සදහා දන්සලක් ද පවත්වනු ලැබීය. එහි දී දිවා ආහාරය සහ වියලි ආහාර මලු ගැබිනි මාතාවන්ට ලබා දීම සිදු කෙරිනි.
ඇසල පුන් පොහෝ දින (12) ඇසල කලාපය නරඹීම සදහා පැමිණෙන ජනතාව සදහා උලුදු වඩේ දන්සලක් ද පැවැත්වුනු අතර
13 දින ඉමදුව නගර මධ්‍ය යේ දී ප්‍රාදේශීය ලේකම් කාර්යාලයේ සේවක මහත්ම මහත්මීන් ගේ සහභාගීත්වයෙන් අලංකාර භක්ති ගීත සංදර්ශණයක් පැවැත්විණි. මෙම වැඩ සටහන් ඉමදුව ප්‍රා දේශීය ලේකම් ලක්ෂ්මී කාන්තී මෙනවියගේ ප්‍රධානත්වයෙන් එම කාර්ය මණ්ඩලය විසින් සංවිධානය කරන ලදී.
@ ලංකින්ද නානායක්කාර
No comments:
Post a Comment