ඉමදුව ප්‍රා දේශීය ලේකම් කාර්යාලය මඟින් සංවිධානය කරනු ලැබු ප්‍රා දේශීය සාහිත්‍ය කලා මහෝත්සය පසුගිය 18 දින දික්කුඹුර ශ්‍රී සිද්ධාර්ථ විද්‍යාලයේ දී පැවැතිවිණි.
මෙහි ආරාධිත දේශකයා ලෙස කැලණිය හා සෞන්දර්ය විශ්ව විද්‍යාලයේ නාට්‍ය හා රංග කලාව පිළිබද බාහිර කථිකාචාර්ය ශ්‍රාස්ත්‍රපති නිශ්ශංක දිද්දෙණිය මහතා සහභාගී විය.
මෙහි දී අදහස් දැක් වු නිශ්ශංක දිද්දෙණිය මහතා මෙසේ පැවසීය,
අද තියෙන බොහෝ ගීත වලින් ලබන්න පුලුවන් වන්නේ රසවින්දනයක් නොව ෆන් එකක් පමණයි. සමහර ගීත වල එක වචනයකට තව චවනයක් ගැලපෙන්නේ නෑ. බෙහෝ දරුවන් හය හත වසරේ ඉන්න විට පෙන්නන්න බැරිම ගායකයා වන්නේ අමරදේව මහත්තයායි. මටත් එහෙම තත්වයක් තැබුනා. නමුත් කාලයාගේ ඇවෑමෙන් එය නිවැරදි වෙනවා.
මෙහි දී අදහස් දැක් වු ඉමදුව ප්‍රා දේශීය ලේකම් ලක්ෂ්මී කාන්තී මහත්මිය,
අද තියෙන තරඟකාරී රටාව නිසා දරුවන් පුරුදු පුහුණු වී සිටින්නේ තම විෂයානුබද්ද පොත පත පමණක් භාවිතා කිරීමට පමණයි. පුවත්පත වුනත් උදෑන රූපවාහිණියෙන් නරඹනවා ඇරෙන්න පුවත් පතක ඇති වටිනා ලිපි කියවීමට උනන්දුවක් දක්වන්නේ නෑ. මෙවැනි තත්වයක් තුල රජය විසින් මෙසේ සාහිත්‍ය මාසයක් නම් කිරීම ගොඩක් වටිනවා. අඩුම වශයෙන් එම මාසය තුලවත් මෙවැනි දේශණ හා සාහිත්‍යට අදාල දේවල් කරන්නට ලැබීම නිසා දරුවන්ගේ සාහිත්‍ය දැනුම වැඩි දියණු කිරීමට හැකියාව ලැබී තිබෙනවා.
No comments:
Post a Comment