විපක්ෂයක් නෑ දෙන්න කෙනෙක් නෑ

         ආණ්ඩුවේ පචවාහිනී රට ඇතුලේ බොරු  මත පතුරනවා පොම්පකරනවා ඒවා කරලා තියෙන්නේ ආණ්ඩු විරෝධී ඡන්ද දායකයා දුර්වල කරන්න උදාසීන කරන්න මානසිකව වට්ටන්න ඡන්ද පොළට යන එක නවත්වන්න ඒ එකක් තමා විපක්ෂයක් නෑ දෙන්න කෙනෙක් නෑ එක ඒ නිසා මේවාට රැවටෙන්න එපා යයි ලාල් කාන්ත මහතා කටුනායකදී කීය.

     කටුනායක වෙළද කලාප සේවක එකමුතුව සන්විධානය කල සේවකයින් දැනුවත් කිරීමේ ජනහමුවකදී  ඔහු එසේඅ පැවසීය.

රටේ හැම තැනම  හැමෝම රජයට බනිනවා ජනාධිපතිතුමාට ඊයේ පෙරෙදා රහස් වාර්තාවක් ගියා ඒකෙ තිබුනේ රට හැමතැන ජවිපෙ වටා ජනතාව එකතු වෙනබව යැයි ද ඔහු වැඩිදුරටත් පැවසීය.

ගුවන් තොටුපොළේ ජාවරමක්

         කටුනායක ගුවන් තොටුපොළේ ඉහල වැටුප් ලබාදෙන බව පවසා පුවත් පත් දැන්වීම් පලකර රැකියා බලාපොරොත්තුවන්නන්ගෙන් මුදල් ගැනීමේ ජාවරමක් පිළිබදව තොරතුරු  වාර්තාවේ. දිවයිනේ ප්‍රදේශ ගණනාවක පිහිටි රැකියා නියෝජිත ආයතන මගින් රුපියල් තුන් දහසක් අයකර රැකියාවලට බොහෝ පිරිසක් දිනපතා ගුවන් තොටුපොළට  පිටත්කර එවති. මෙසේ එවන අයගෙන් ද්‍ය පරීක්ෂණ සදහා තවත් රුපියල් දහසක් ගුවන් තොටුපොළේ සිටින නියෝජිතයෙකු අයකර ගන්නා බව මෙසේ රැකියාවට පැමිණි තරුණියක් කීය. නමුත් එවැනි වෛද්‍ය පරීක්ෂණයක් නොකරන බවද ඇය කීවාය.
ගුවන් යානා වලට ආහාර සපයන ආයතනයක පිළුණු ආහාර ඉවත් කිරීමට යොදවන මෙම සේවකයින් ට පොරොන්දුවූ වැටුප නොලැබේ. බොහෝ පිරිස් කෙටි කලකින් සේවය අත්හැර යන බවත්  සමහර අය වැටුප් ලබා ගැනීමට පවා නොපැමිණෙන බව මසකින් රැකියවෙන් ඉවත්ව  වෙළද කලාපයේ රැකියාවට පැමිණි තරුණියක් පැවසීය.
වෙළද කලාපයේ සේවකයින්ට මෙන්ම ගුවන් තොටුපොළේ අස්ථිර, කම්කරු, කොන්ත්‍රාත් හා අනියම් සේවකයින්ට බලපාන ගැටළු පිළිබදව තම සoගමයේ අවධානය යොමුව ඇතැයි නිදහස් වෙළද කලාප හා පොදු සේවක සoගමයේ කටුනායක සoවිධායක හා සම ලේකම් වරයෙකු වන අසේල ධර්මප්‍රිය පැවසීය.

අලියගෙන් මන්ත්‍රී - බුලත් කොළයෙන් ඇමති

                          එක්සත් ජාතික පක්ෂයේ හිතවතාට පාක්ෂිකයට මේ ආණ්ඩුව පෙරලන්න ඕන හැබැයි ඒ ඕනකම නායකයින්ට නෑ ජනතාව වෙනුවෙන් එකතුවෙලා සටන් කරන්න ඕන සජිත්  හා රනිල් මහත්වරු  ආණ්ඩුවත් එක්ක  සටන පැත්තකින් තියලා දෙන්න සටන් කරනවා නායකත්වය බෙදාගන්න යැයි ටිල්වින් සිල්වා මහතා පැවසීය. ඔහු එසේ පැවසුවේ කටුනායක ආඩිඅම්බලම හන්දියේ පැවති ජන හමුවක් අමතමිනි.
                  ඒ වගේම තමා එක්සත් ජාතික පක්ෂයෙන් ඡන්දය ඉල්ලන අය අලියගෙන් ගන්නවා මන්ත්‍රීකම ඊට පස්සේ ආණ්ඩුවෙන් ගන්නවා ඇමතිකම  මේ  ආණ්ඩුවේ ඇමති බහුතරය අලියගෙන් ආව අය 
පසුගිය මහ මැතිවරණයෙදී මේ රටේ ජනතාව තුනෙන් දෙකක බලයක් දුන්නේ නෑ ආණ්ඩුවට අද තියනවා  ඔහු වැඩිදුරටත් පැවසීය
                                                                                                                                                                                                                                    @  කුමාරසිරි ප්‍රසාද්  

ගුවන් යානය අසළදී ගුටිබැට

බැoකොක් බලා යාමට පෙරේදා 17 සවස කටුනායක ගුවන් තොටුපොළට පැමිණි දෙපිරිසක් ගුවන් යානය අසළදී එකිනෙකාට බරපතල ලෙස පහර දුන් බව එහි සිටි ගුවන් මගියෙක්  පැවසීය.ග්‍රෑන්ඩ්පාස් හා මාළිගාවත්ත පෙදෙස් වල පදිoචිකරුවන් කීපදෙනෙකු පැරණි කෝන්තරයකට මෙසේ ගුටිබැට හුවමාරු කරගනිමින් ගුවන් තොටුපොළ තුල කලහකාරී ලෙස හැසිරී ඇත. ගුවන් තොටුපොළ පොලීසිය මෙම පිරිස අත් අඩoගුවට ගෙන ඊයේ 18 අධිකරණයට ඉදිරිපත් කලබව පොලීසිය කියයි.මෙසේ අත් අඩන්ගුවට පත්ව ඇත්තේ මොහමඩ් අබ්දුල් කාදර් මොහමඩ් රිෂ්, මොහමඩ් නිෂාම් මොහමඩ් පාස්, මොහමඩ් රිම්සාන් මොහමඩ් රුසායින්, මොහමඩ් සලාම්දීන් මොහමඩ් හා මොහමඩ් පායිස් මොහමඩ් පර්සාන් යන මුස්ලිම් ජාතික ගුවන් මගීන් පස් දෙනෙකි.

හොර මාධ්‍ය නඩයක් ගුවන්තොටේ

                             ගුවන් තොටුපොළ ස්ථිර වාර්තාකරුවන් ට ගුවන් තොටුපොළ ට  නිදහසේ ඇතුළු වීම එම සමාගම තහනම් කර තිබියදීත් එහි පුවත් සමහර මාධ්‍ය වෙත සපයන පිරිසක් පිළිබදව ගුවන් තොටුපොළින් වාර්තාවේ. මාධ්‍යවේදීන් නොවන මෙම පිරිස ගුවන් තොටුපොළ තුල සේවය කරන පිරිසක් බවට සැක කල හැකි බව ආරක්ෂක නිළධාරියෙක් පැවසීය.

ආසියානු කුසලානය දිනා පැමිණි ක්‍රිකට් කණ්ඩායම පිළිගැනීම වාර්තාකිරීමට ගුවන් තොටුපොළ විශේෂ අමුත්තන්ගේ පර්යන්තයට අතුළුවීමට පවා මාධ්‍යවේදීන්ට නොහැකිව තිබියදී ගුවන් යානය අසලදී ගත් ඡායාරූපයක් වෙබ් අඩවි වල පළවීම මෙයට කදිම සාක්ෂියක්වේ. කුසලානය රැගෙන ගුවන් යානයෙන් බසින ඡායාරූපයක් දිනපතා පුවත්පතක වෙබ් අඩවියේද පළවී තිබිණි. ගුවන් තොටුපොළේ පෞද්ගලික ආයතනයක සේවය කරමින් රූපවාහිනී සේවයකට පුවත් සැපයූ සේවකයෙකු එම සමාගම ඉකුත් කාලයේ සේවයෙන් ඉවත් කර ඇත.