ජනාධිපති මහින්ද රාජපක්ෂ මහතාගෙන් පසු මෙරට මීළග ජනාධිපති ධූරයට එකම සුදුස්සා මන්ත්‍රී නාමල් රාජපක්ෂ බව ධීවර නියෝජ්‍ය ඇමති සරත් කුමාර ගුණරත්න මහතා ඊයේ 12 මීගමුවේදී පැවසීය. ඔහු එසේ පැවසුවේ බස්නාහිර පළාත් සභාවට තරග කරන ආචාර්ය පෝල් පෙරෙරා මහතාගේ ජය පතා ඔහුගේ නිවසේ පැවති ජන හමුවේදීය.
අපි ත්‍රස්තවාදය රට තුළ පරාජය කලත් ඊලාම් සිහිනය බොදවෙලා නෑ රටින් පිට ජීවත්වෙන කොටි ඩයස් පෝරාව හා සමහර රාජ්‍ය නොවන සoවිධාන සමහර රාජ්‍ය නායකයින් සමග එක්වෙලා නැවතත් මෙම රට බෙදන්න පිඹුරුපත් හදනවා එමනිසා මීගමුවේ ජනතාව ගම්පහ ජනතාව බෙදුම්වාදයට ත්‍රස්තවාදයට මේ රට තුල කිසිදු තැනක් නොමති බව එක්සත් ජනතා සන්ධානයේ ජයග්‍රහණය විජයග්‍රහණයක් කරමින් මේ මැතිවරණයේදී ලොවට පෙන්විය යුතු බව මන්ත්‍රී නාමල් රාජපක්ෂ මහතා ජනතාව අමතමින් පැවසීය.
පෝල් පෙරෙරා මහතා වගේ උගතුන් බුද්ධිමතුන් ශ්‍රී ලoකා නිදහස් පක්ෂය වටා අද එක්වෙලා ඔබතුමන්ලාගේ නායකයා සරත් ගුණරත්න ඇමතිතුමා නිර්භයව ඕනෑම දෙයක් අතිගරු ජනාධිපතිතුමා සමග සාකච්ඡා කරන්න පුළුවන් ඇමතිවරයෙක් අපේ ගම් ප්‍රදෙශයේ ධීවර ජනතාවටත් ලොකු සේවයක් එතුමා කරනවා පෝල් පෙරෙරා මහතා ගැන මම අමුතුවෙන් කියන්න ඕන නෑ දක්ෂයෙක් උගතෙක් ගුරුවරයෙක් එතුමාගේ අත්දැකීම් වලින් ජනාධිපතිතුමා සමග එක්වෙලා අපි සමග එක්වෙලා ජනතාවට සේවය කරන්න එතුමා පියවර අරන් එමනිසා ඔබතුමන්ලා පෝල් පෙරෙරා මහතාව ජයග්‍රහණය කරවන්න කියලා මම ඉල්ලා සිටිනවා
ඒ වගේම අපි විසිනව වෙනිදට ලෝකයට පණිවුඩයක් දෙමු මේ පොළොවේ පය ගහලා ජීවත්වෙන අපි නැවතත් කිසි දවසක ත්‍රස්තවාදය හිස ඔසවන්න දෙන්නේ නෑ කියන පණිවුඩය ලබා දෙමින් එක්සත් ජනතා සන්ධානය ජයග්‍රණය කරවන්න යැයි නාමල් රාජපක්ෂ මහතා වැඩිදුරටත් පැවසීය.
කුමාරසිරි ප්‍රසාද් - ගුවන් තොටුපොළ
